«Հիմնականում այդ երկու պետությունների ԱԹՍ-ներն են Ադրբեջանի սպառազինությունում»․ Գ․ Մովսեսյան

«18 օրվա մարտական գործողությունների արդյունքում, վերլուծելով F-16 ինքնաթիռների գործողությունները, կարելի է գալ հետևյալ եզրակացության. Թուրքիայի ռազմաօդային ուժերի F-16 ինքնաթիռներն Ադրբեջանի տարածքում կատարում են հետևյալ կարևոր խնդիրները՝ Ադրբեջանի ռազմաօդային ուժերի գործողությունների համակարգում, նրանց կողմից Հայաստանի և Արցախի տարածքների հրթիռային և ռմբային հարվածներ հասցնելու ընթացքում աջակցություն և նրանց գործողությունների պատսպարում։ Ինչ վերաբերում է այն փաստին, թե Ադրբեջանի զինանոցում կա՞ն թուրքական, իսրայելական արտադրության ԱԹՍ-ներ, պիտի նշեմ, որ այո՛, կան։ Հիմնականում այդ երկու պետությունների սարքերն են իրենց սպառազինությունում»,- այս մասին այսօրվա ասուլիսում հայտարարեց Հակաօդային պաշտպանության զորքերի հրամանատարի տեղակալ Գարիկ Մովսեսյանը: