«Շատ պրիմիտիվ, բայց շատ կարևոր կանոն». Արսեն Բաբայան

«Հայրենիք» կուսակցության խորհրդի անդամ, իրավապաշտպան Արսեն Բաբայանը ֆեյսբուքյան իր էջում գրել է. «Շատ պրիմիտիվ, բայց շատ կարևոր կանոն
Մարտական հերթապահության մեկնող Հարգելի կամավորականներ, պատերազմը խաղուպար չէ, այն ունի հստակ կանոններ և հմտություններ, առանց որոնց պահպանման մեծ վտանգի տակ կդնեք ձեր կյանքը և հայրենիքի անվտանգությունը:
Դրանցից ամենապրիմիտիվը ճիշտ համազգեստն է: Մարտական հերթապահության կարելի է մեկնել բացառապես հայկական զինվորական համազգեստով: Ցանկացած միագույն կանաչ համազգեստանման հագուստ, որը գուցե շատ մոդայիկ է ու գեղեցիկ (ես էլ ունեմ ու հաճախ հագնում եմ Երևանում) առաջին գծում անմիջապես դառնում է դիպուկահարի ամենահեշտ խոցման թիրախը:
Առանց անվտանգության նվազագույն կանոնների պահպանման և առանց ԶՈւ հատուկ հրահանգների չի կարելի զենք «ճարել» ու մարտի գնալ»: