Ա. Հովհաննիսյանը՝ ռազմագերիների ու Ալիևի հայտարարության մասին

Դահլիճից Արծրուն Հովհաննիսյանին ուղղված հարցերից մեկը վերաբերում էր ռազմագերիների փոխանակմանը, մեր ռազմագերիների առողջական վիճակին, մյուսը՝ Ալիևի հայտարարությանը, ըստ որի «պատրաստ են դադարեցնել ռազմական գործողությունները, եթե առաջինը հայկական կողմը դադարեցնի կրակը»: «ԱՄՆ-ում ընթանում են բանակցություններ, ու եթե հաջողվի ռազմագերիների մասով պայմանավորվածություն ձեռք բերել, ապա առաջինը պաշտոնական կհայտնենք, եթե ոչ, ոչինչ չեմ կարող ասել: Ինչ վերաբերում է Ալիևի հայտարարությանը, զարմանալի բան չեմ տեսնում՝ հերթական անգամ սլաքներն ուղղում է մեր ուղղությամբ»,- արձագանքեց ՀՀ ՊՆ ներկայացուցիչը: