«Պետք է մեջտեղ բերել Ադրբեջանի կողմից իրականացվող ցեղասպան քաղաքականությունը»․ Ա. Մարուքյան

358

Երկուշաբթի, 26 հոկտեմբերի, 2020 թ., 19:00

Հայկական հարցի և հայոց ցեղասպանության պատմության բաժնի վարիչ, պ.գ.դ., պրոֆեսոր Արմեն Մարուքյանի խոսքով՝ հանձինս Թուրքիայի և Ադրբեջանի, մենք գործ ունենք ցեղասպան պետությունների հետ: «Պետք է մեջտեղ բերել Ադրբեջանի կողմից իրականացվող ցեղասպան քաղաքականությունը: Թուրքիայի պարագայում դա ակնհայտ է. Հայոց ցեղասպանության իրագործումը, այնուհետև մշակութային եղեռնը… Վերջին դրսևորումներից եղավ 2014-ի մարտի 21-ին՝ նույն այս ահաբեկչական խմբավորումների միջոցով իր տարածքից հարձակում գործելը Քեսաբի վրա: Սա մի կողմից ապացուցում է այն հանգամանքը, որ Թուրքիան ահաբեկիչների հետ մշտապես գործակցող պետություն է և նրանց օգտագործում, հատուկ ուղղորդում է հայ բնակչության դեմ: Հիմա այդ նույն ահաբեկիչներին տեղափոխում է ԼՂ հակամարտության գոտի»,- ասուլիսի ժամանակ շեշտեց պատմաբանը: