Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Կրեկերի վիդեոյից 30 րոպե հետո մեզ վրա հարձակվեցին». զինծառայող Գեորգի Մելքոնյան

«Կրեկերի վիդեոյից 30 րոպե հետո մեզ վրա հարձակվեցին». զինծառայող Գեորգի Մելքոնյան
606
Չորեքշաբթի, 28 հոկտեմբերի, 2020 թ., 21:40

Առաջնագծում հրթիռակոծության տակ կրեկեր ուտող զինծառայող Գեորգի Մելքոնյանը կարճ ժամանակում գրավեց համացանցի հայակական ողջ տիրույթը: «Ինձ ուրախացնող փաստն էս կրեկերներն են, մեկ էլ՝ հագիս սպառծիվկեն»,- ասում էր զինծառայողը և ախորժակով ուտում կրեկերները:

Այսօր Հանրային հեռուստաընկերության եթերում նա մանրամասներ է ներկայացրել հայտնի տեսանյութից:

«Վիդեոն նկարելուց առաջ մտածում էի, որ պիտի ծնողներիս ցույց տամ, ուզում էի ցույց տալ, որ ամեն ինչ նորմալ է: Պետք է երևար, որ մեր մարտական ոգին բարձր է, ու մենք չենք վախենում ամեն տիպի կրակոցներից»,- ասել է նա:

Զինծառայողը հայտնել է, որ տեսանյութը նկարել է պատերազմի 16-րդ օրը և հենց այդ օրն էլ՝ վիրավորվել. «Բարձրացա դիտարկում անելու ու իրենց կողմից ինչ-որ ձայն լսվեց, ուզում էի հասկանալ՝ ինչ են ասում, ինչ-որ մեկը ռուսերենով գոռաց՝ «наступаем» ու կրակոցը հաջորդեց, կպավ ինձ: Ինձ դիպուկահարն է կրակել: Կրեկերի վիդեոյից 30 րոպե հետո մեզ վրա հարձակվեցին»,- պատմել է Գեորգի Մելքոնյանը:

Մանրամասները՝ տեսանյութում:

«Կրեկերի վիդեոյից 30 րոպե հետո մեզ վրա հարձակվեցին». զինծառայող Գեորգի Մելքոնյան