«Մեկը լիներ՝ թուրքերին բացատրեր, որ ճիշտը հայերից հեռու մնալն է». Վասակ Դարբինյան
266 Ուրբաթ, 30 հոկտեմբերի, 2020 թ., 17:25 Լրագրող Վասակ Դարբինյանը ֆեյսբուքյան իր էջում գրել է. «Մեկը լիներ՝ թուրքերին բացատրեր, որ ճիշտը հայերից հեռու մնալն է: Որ հայերի հետ կռվելն անիմաստ է: Որ ինչ էլ անեն՝ հայերին հաղթելու տարբերակ չունեն. վարձկան ահաբեկիչ բերեն, ծննդատուն գնդակոծեն, անօդաչու թռչող սարքեր թռցնեն թե անտանկիստ տանկեր քշեն հայերի վրա, չեն կարողանալու հասնել իրենց ուզածին, քանի որ հայ ժողովուրդն իրենց պատկերացրած ժողովուրդը չի: Դուրս է իրենց պատկերացումից: Գտնվում է այլ հարթության վրա, քան իրենք են ու իրենց բայրաքթար ուղեղին է մատչելի: Հայ ժողովուրդը կարող է նահանջել, բայց չպարտվել, կարող է Երկրագնդի պռնկից ընկնել անդունդը, բայց չկործանվել: Հայը որքան էլ խաղաղասեր, որքան էլ արտաքուստ հարմարվող ու զիջող, բայց էությամբ ըմբոստ է ու անհնազանդ: Հայը կարող է զոհվել, բայց ոչ թե կույր հավատի թելադրանքով, ոչ միայն բնազդով՝ իր զավակին պաշտպանելիս, այլև իր նախնիների հիշատակը և իր հայրենիքն ամեն ինչից վեր դասելու սրբազան մղումով: Ես անգամ չգիտեմ՝ այս բառերը, որ գրում եմ, հնարավո՞ր է թարգմանել թուրքերեն ու հասցնել թուրքի գիտակցությանը: Բայց ամեն դեպքում ես ուզում եմ գտնվի մեկը, որ բացատրի թուրքերին. դուք չեք կարող հաղթել հայերին: Ոչ մի դեպքում, ոչ մի միջոցով: Դուք նույնիսկ ցեղասպանությամբ չկարողացաք անել դա: Գրված է. «Էդ ո՞ւմ վրա եք թուր հանել, հայոց մեծ ազգին չե՞ք ճանաչում»... Կարդացեք ժամանակի փորձությունը հաղթահարած գոնե այս տողը և եզրակացրեք՝ արժե՞ շարունակել այս մղձավանջը, որը, ճիշտ է, մեր ծանրագույն փորձությունն է, բայց շատ անսպասելի կարող է դառնալ ձեր կործանման սկիզբը»: |
«Հակոբյան Աննայի՝ «տարօրինակություններով» նվաճած քաղաքական դիվիդենտները». Կարեն Հեքիմյան
3521:48Մասիս-Երևան գլխավոր մայրուղու վրա 50-ից ավելի անվադող են վառել (տեսանյութ)
12221:36«Անհնար է խաղաղ ապրել ադրբեջանցիների հարևանությամբ». տավուշցիները շարունակում են փակ պահել ճանապարհը (տեսանյութ)
5421:30Ծեծելով բերման են ենթարկել ԱԺԲ-ի տասնյակ անդամների, այդ թվում՝ Գարեգին Չուգասզյանին (տեսանյութ)
8121:18Բերման ենթարկվածների մի մասը դուրս եկավ ոստիկանական բաժանմունքից (տեսանյութ)
4320:48«Հող հանձողները չեն մարսելու». Ռոբերտ Քոչարյան (տեսանյութ)
12220:24Իսակովի պողոտայից ակցիայի 12 մասնակից է բերման ենթարկվել
6220:18«Կալանավորված Արման Պետրոսյանը վերջիններից է եղել, որ լքել է Արցախը». հայտարարություն (տեսանյութ)
9320:06