«Մեզ ոչ ոք չի խղճալու ու պետք էլ չի, հարգել է պետք մեզ». Անժելա Էլիբեգովա

Ադրբեջանագետ Անժելա Էլիբեգովան ֆեյսբուքյան իր էջում գրել է. «Ալիևին պետք ա Արցախն՝ առանց հայերի։ Ու, մեծ հաշվով, իրենց քարոզչությունը դա երբեք չի էլ թաքցրել։ Այո՛, միջազգային լրատվականների համար իր դղյակի բակում նստած թանկանոց կոստյումով ու լավ անգլերենով ինքը պատմում ա, թե ինչ հրաշալի են ապրելու Արցախի հայերն Ադրբեջանի կազմում։ Նույն այդ հարցազրույցի ընթացքում իր բաշիբոզուկներն սպանում են գյուղերում խաղաղ բնակչությանը, ավիրում սրբատեղիները, թալանում խանութները, վառում անտառները։ Ու նպատակը մեկն ա՝ վերացնել հայկական հետքը Արցախից, ինչպես դա եղավ Նախիջևանում։ Չեն ուզում Արցախի հայերն արժանանան էդ ճակատագրին, իրանք լավ գիտեն, ինչ ա նշանակում Ադրբեջանի կազմում ապրել։ Ու էդ որոշումը հարգել աշխարհին կարող ենք միայն ուժով ու տոկունությամբ պարտադրել։ Մեզ ոչ ոք չի խղճալու ու պետք էլ չի, հարգել ա պետք մեզ»։