«Ֆիզիկայի ֆակուլտետը կարող էր շատ ավելի օգտակար բաներ անել, քան քողարկող ցանց գործելը». Իոաննիսյան

«Իրազեկ քաղաքացիների միավորում» ՀԿ հիմնադիր, ծրագրերի համակարգող Դանիել Իոաննիսյանը ֆեյսբուքյան իր էջում գրել է. «Ինձ թվում էր, որ ԵՊՀ՝ իմ հարազատ ֆիզիկայի ֆակուլտետը կարար շատ ավելի օգտակար բաներ աներ ռազմաճակատի համար, քան քողարկող ցանց գործելը։
Թող օրինակ վերցնեն մի շարք ֆիզիկոսներից, ովքեր այժմ մասնագիտական գիտելիքներով փորձում են օգուտ տալ բանակն։
Բնական գիտությունների մահը շատ ծանր է նստում մեր բոլորի վրա։ Բնական գիտությունները, և, առաջին հերթին՝ ֆիզիկան, օդ ու ջրի պես պետք են մեր երկրին։
Եթե նախկին ու ներկա իշխանությունները ֆիզիկան չհամարեին ավելորդ շռայլություն, ապա Բայրաքթարի կարգի զենքեր մենք էլ ունենաինք»։