«Մեր գերեվարված տղաների տեսանյութերը մի՛ տարածեք ու մի՛ պիտակավորեք». Աշոտ Սարգսյան

ՀՀ Առողջապահության նախարարի խորհրդական Աշոտ Սարգսյանը ֆեյսբուքյան էջում գրել է․ «Մեր գերեվարված տղաների տեսանյութերը մի՛ տարածեք ու մի՛ պիտակավորեք: Այդ տեսանյութերով ադրբեջանական քարոզչամեքենան ուզում է աշխարհին ցույց տալ, որ մարդասեր են ու լավ են վերաբերվում գերիներին, քանի որ աշխարհը տեսնում է իրենց վայրագությունները: Տեքստերում հատուկ ընտրված խոսքերով միտք ունեն պառակտել բանակը և թուլացնել առաջնագիծը: Վերջին տարածվող տեսանյութով նաև ուզում են ռուսամետ ցույց տալ իրանց, չնայած բոլորս լավ գիտենք, որ թուրքի հետ է սկսել պատերազմը: Նրանք փորձում են էմոցիոնալ քաոս ստեղծել մեր օգտատերերի մոտ:
Տղերքն ամեն գնով պետք է ողջ վերադառնան տուն, ինչ ուզում են թող ասեն»: