Արծրուն Հովհաննիսյանը պարզաբանել է, թե ինչ է նկատի ունեցել՝ «հակառակորդի մեջքը կոտրված է» ասելով

Ֆեյսբուքյան մի խումբ օգտատերեր հետաքրքրվեցին, թե ի՞նչ է ենթադրում ՊՆ ներկայացուցչի՝ հակառակորդի մեջքը կոտրված լինելու մասին հայտարարությունը։ «Խոսքը հակառակորդի ցամաքային զորատեսակների հետևակային և զրահատանկային խմբավորումների մասին էր։ Օրինակ՝ հակառակորդի հրետանային զորքերն ավելի քիչ կորուստներ են կրել, քան հետևակը։ Խոսքը նրա մասին չէ, որ նրանք այնքան թույլ են․․․ հենց հիմա էլ Մարտունիի ուղղությամբ մարտեր են․․․ Ադրբեջանական զինված ուժերի ցամաքային և հետևակային պոտենցիալը կոտրված լինելը չի նշանակում, թե չի շարունակվելու հարձակումը։ Կհարձակվեն վարձկաններով, թուրքական ստորաբաժանումների ղեկավարությամբ և այլն»,- պարզաբանեց Արծրուն Հովհաննիսյանը։