Ըստ Թուրքիայի նախկին վարչապետի, Էրդողանի իշխանությունը կորոնավիրուսից էլ վտանգավոր է

Թուրքիայի նախկին վարչապետ, Էրդողանի նախկին կուսակից ընկեր Ահմեդ Դավութօղլուն քննադատել է Թուրքիայի ներկա իշխանություններին և նախագահ Ռեջեփ Էրդողանին։

Թուրքական Cumhuriyet–ի փոխանցմամբ՝ Դավութօղլուն իր հիմնադրած «Ապագա» կուսակցության առաջին համաժողովում ելույթի ժամանակ առանց անունը շեշտելու, սակայն ակնհայտ նկատի ունենալով Թուրքիայի նախագահ Էրդողանին, ասել է. «Այսօր Եվրոպայի և աշխարհի համար ամենամեծ վտանգը ոչ թե կորոնավիրուսն է, այլ անգրագետ ու պոպուլիստ ղեկավարների տարածած ավտորիտար մշակույթի վիրուսը։

Եթե կորոնավիրուսը մարդու մարմնին է վնաս տալիս, ապա երկրորդը՝ոչնչացնում է մարդու հոգին ու ուղեղը։

Պատմության այլ վիրուսների պես, կորոնավիրուսը ևս կանցնի, սակայն մյուս վիրուսը մարդու բանականությունն ու հոգին է զավթում և մնայուն է. այն ոչնչացնում է մարդու ինքնությունը»։