«Թուրքիան ևս ընկրկելու է հայկական ոգու ու հավատի առջև». Գոռ Աբրահամյան

ՀՀ գլխավոր դատախազի խորհրդական Գոռ Աբրահամյանը ֆեյսբուքյան իր էջում գրել է. «Մենք հավատում ենք մեր հաղթանակին։ Հավատում ենք ամբողջ հոգով, ամբողջ էությամբ և ամբողջ նվիրումով ու այդ հաղթանակին նվիրելով ամենաթանկը՝ մեր զավակների կյանքն ու առողջությունը։
Չեն պարտվել Աֆղանական դուշմանները՝ ԽՍՀՄ զորքերի ահեղ տանկերից, ամենահաս ուղղաթիռներից ու կարմիր բանակի զինվորների սապոգներից չվախենալով, որովհետև հավատացել են իրենց հաղթանակին։ Չի պարտվել Իսրայելը արաբական երկրների կոալիցիային մի քանի պատերազմներում, որովհետև հավատացել է իր հաղթանակին ու որովհետև յուրաքանչյուր պատերազմի վերաբերել է որպես գոյության վերջին կռվի։
Չի պարտվել Վիետնամն ԱՄՆ-ին, որովհետև հավատում էր սեփական հաղթանակին։
Եվ մենք գիտենք, թե ինչպես էին գոնե ԽՍՀՄ-ում ու ԱՄՆ-ում վերաբերում այդ աֆղանական ու վիետնամական պատերազմներին արդեն այդ կոմպանիաների կեսից սկսած և որոնք դարձան զորքերն Աֆղանստանից ու Վիետնամից հանելու Մոսկվայի ու Վաշինգթոնի որոշումների հիմնական պատճառը։ Այս պատերազմն այդքան ձգվելու ռեսուրս չունի։ Եվ Թուրքիան ևս ընկրկելու է հայկական ոգու ու հավատի առջև, եթե մենք հաղթանակի հանդեպ հավատը և անվերապահ վստահությունը միաձուլենք սառնասրտությանը, սթափությանը, ներքին միասնությանը, արտաքին ճակատում դաշնակիցների հետ ճիշտ հարաբերվելու կարողությանը և բոլոր ֆրոնտներում վճռականության ցուցաբերմանը։ Ու «եթե» չկա․ այդպես պետք է լինի։
#ՀԱՂԹԵԼՈՒԵՆՔ»: