Ուրբաթ, 20 նոյեմբերի, 2026 թ.
|
Ստեփանակերտում`   +7 °C

Իտալիայի Լոմբարդիա տարածաշրջանը ճանաչել է Արցախի անկախությունը

Իտալիայի Լոմբարդիա տարածաշրջանը ճանաչել է Արցախի անկախությունը
652
Չորեքշաբթի, 04 նոյեմբերի, 2020 թ., 01:30

Իտալիայի Լոմբարդիա տարածաշրջանի Տարածքային խորհուրդը ձայների մեծամասնությամբ ճանաչել է Արցախի Հանրապետության անկախությունը, այս մասին ֆեյսբուքյան իր էջում գրել է Տարածքային խորհրդի անդամ Միշել Ուսուելին:

«Լոմբարդիան Եվրոպայի առաջին տարածաշրջանն է, որն աջակցել է Արցախի Հանրապետության ճանաչմանը: Դա մեր նպատակն էր: Առաջարկությունն ընդունվել է Լոմբարդիայի Տարածքային խորհրդի ձայների մեծամասնությամբ»,- գրել է նա:

Ուսուելին հավելել է, որ Արցախի Հանրապետության ճանաչումը կարող է պայմաններ ստեղծել Հայաստանի և Ադրբեջանի միջև իրական ու ընդգրկուն խաղաղ բանակցությունների համար:

«Լոմբարդիան Իտալիայի առաջին ռեգիոնն է, որ ճանաչեց Արցախի Հանրապետության անկախությունը։
Շնորհակալություն, Լոմբարդիա, միշտ առաջամարտիկ, միշտ ուժեղ, միշտ հավատարիմ համընդհանուր արժեքներին»,- շնորհակալական խոսք է ասել Իտալիայում ՀՀ դեսպանատունը: