Ուրբաթ, 20 նոյեմբերի, 2026 թ.
|
Ստեփանակերտում`   +7 °C

«Նախնական տվյալներով՝ Ադրբեջանում 21 հայ ռազմագերի կա». Ռաֆայել Վարդանյան

«Նախնական տվյալներով՝ Ադրբեջանում 21 հայ ռազմագերի կա». Ռաֆայել Վարդանյան
497
Հինգշաբթի, 05 նոյեմբերի, 2020 թ., 19:10

«Ադրբեջանում այս պահին 21 հայ ռազմագերի կա»,- լրագրողների հետ հանդիպմանն ասաց ՔԿ քրեագիտական վարչության պետ Ռաֆայել Վարդանյանը։

Նա նշեց, որ այդ տվյալներն անընդհատ փոփոխվում են: Նրա խոսքով՝ կան տվյալներ, որոնք ճշգրտման փուլում են։ «Կա երկու անձի վերաբերյալ տվյալ, որը ճշգրտվում է։ ՄԻԵԴ-ում հայաստանյան ներկայացուցչության և անհատ իրավապաշտպանների կողմից դիմումներ են ներկայացվում ՄԻԵԴ, որպեսզի կիրառվի հատուկ միջոց և Ադրբեջանին պարտավորեցվի՝ ներկայացնել հստակ տվյալներ, ինչպես նաև ապահովել հայ ռազմագերիների մարդասիրական բոլոր նորմերի պահպանումը. այսինքն՝ նրանք չխոշտանգվեն, ստանան անհրաժեշտ բուժօգնություն»,- ասաց ՔԿ քրեագիտական վարչության պետը: