«Կյանքը միայն ուժեղներին է ժպտում». Նարինե Դիլբարյան

«Ժառանգություն» կուսակցության նախագահ Նարինե Դիլբարյանը ֆեյսբուքյան իր էջում գրել է. «Շուշին անառիկ հայոց բերդ է, պիղծ և հոգեգար զավթիչներին մեր բանակները դուրս են մղելու, կարևորը մենք ամուր թիկունք լինենք, տագնապահար վախեցածներին ուժ տանք, հետո կհավաքեն իրենց, փախչողներին բացատրենք, որ հայրենիքից անվտանգ տեղ չկա, իրենց այլ սպասող չկա, համբերատար ու տոկուն լինենք, օթևան ու ապավեն դառնանք հուսահատների համար, նրանք կհասկանան, որ կյանքը միայն ուժեղներին է ժպտում, չպիտակավորենք միմյանց, չբաժանվենք։ Փոքր ածու ենք, պատմությունից դասեր առնենք, մղձավանջային գիշերվան հաջորդում է հուսալի արշալույսը և ապա՝ թեժ միջօրեն»։