Ուրբաթ, 20 նոյեմբերի, 2026 թ.
|
Ստեփանակերտում`   +7 °C

Արցախում հաշվառված անձանց կենսաթոշակները, մահացած կենսաթոշակառուների թաղման ծախսերի վճարումը ՀՀ-ում սկսված են

Արցախում հաշվառված անձանց կենսաթոշակները, մահացած կենսաթոշակառուների թաղման ծախսերի վճարումը ՀՀ-ում սկսված են
534
Երեքշաբթի, 10 նոյեմբերի, 2020 թ., 17:55

Արցախի Հանրապետությունում հաշվառված անձանց՝ 2020 թվականի նոյեմբեր ամսվա կանխիկ եղանակով վճարվող քաղաքացիական կենսաթոշակները, ինչպես նաև մահացած կենսաթոշակառուների թաղման ծախսերի նպաստների վճարումը Հայաստանի Հանրապետությունում արդեն իսկ սկսված են։ Այս մասին տեղեկացնում է ՀՀ-ում Արցախի Կառավարության օպերատիվ շտաբը:

Երեխաների խնամքի նպաստները կվճարվեն սկսած նոյեմբերի 11-ից։

Կենսաթոշակ և (կամ) նպաստ ստանալու համար անհրաժեշտ է անձը հաստատող փաստաթղթով ներկայանալ «Հայփոստ» փակ բաժնետիրական ընկերության՝ կենսաթոշակառուի (նպաստառուի)՝ փաստացի բնակության վայրը սպասարկող մասնաճյուղ։

Այլ տեսակի թոշակների և նպաստների վճարման վերաբերյալ հավելյալ կտեղեկացնենք: