«Մենք թույլ չենք տա՝ այդ փաստաթուղթն ի կատար ածվի»․ Պապիկյան

«Սասնա ծռեր» կուսակցության անդամ, փաստաբան Արայիկ Պապիկյանն այսօր հանրահավաքի ժամանակ հայտարարեց, որ երեք երկրի ղեկավարների կողմից Արցախի վերաբերյալ ստորագրված փաստաթուղթը որևէ իրավական ուժ չունի:

«Հայաստանի Հանրապետությունը՝ Արցախը ներառյալ, չի կարող ունենալ այնպիսի առաջնորդ կամ քաղաքական ղեկավարություն, որը երբևէ այդ փաստաթղթի նշված կետերն ի կատար կածի: Համոզված եմ, որ մենք շատ մոտ ապագայում ունենալու ենք այն իշխանությունը, որն այդ փաստաթուղթն ամբողջությամբ մերժելու է: Մենք թույլ չենք տա՝ այդ փաստաթուղթն ի կատար ածվի»,- ասաց Պապիկյանը: