Որտեղ կարող են դիմել արցախցիները՝ ստանալու համար հետագա սոցիալական վճարները

«Արդեն երկրորդ ամիսն է ՀՀ-ում վճարվում են արցախցիների պետական բոլոր տեսակի կենսաթոշակները և նպաստները»,- այս մասին այսօր՝ մամուլի ասուլիսի ժամանակ, հայտարարեց ՀՀ-ում Արցախի կառավարության օպերատիվ շտաբի համակարգող Միքայել Վիրաբյանը՝ նշելով, որ այս պահին սկսված է նոյեմբեր ամսվա կենսաթոշակների և նպաստների վճարումը՝ բացառությամբ զինվորական կենսաթոշակների, որը կվճարվի երկուշաբթի օրվանից։

Միքայել Վիրաբյանը տեղեկացրեց, որ Արցախի բնակիչները կարող են ՀՀ-ում դիմել սոցիալական ապահովության ցանկացած տարածքային բաժին, որտեղ իրենք բնակվում են՝ ստանալու հետագա սոցիալական վճարները։