Հանրապետության հրապարակի մեծ էկրանն ապամոնտաժվել է

Այսօր Հանրապետության հրապարակից ապամոնտաժվել է այն մեծ էկրանը, որով նախօրեին տեսահոլովակ էին ցուցադրել, որը համացանցում դարձել էր քննարկումների առարկա: Դեպքին անդրադարձել էր նաև ՀՀ ՄԻՊ Արման Թաթոյանը. «Ինչպե՞ս կարելի է Հանրապետության հրապարակում լայն սփռումով ցուցադրել այնպիսի տեսանյութ, որում տրվում են սպանության սպառնալիքներ ու որով խրախուսվում է բռնությունը՝ արժանապատվությունը վիրավորող արտահայտություններով ու այն էլ դա անել այս պատասխանատու օրերին»,- գրել էր ՄԻՊ-ը:

Նշենք, որ հոլովակում անհայտ անձինք պաշտպանում էին ՀՀ վարչապետին՝ հայհոյանքներ և սպառնալիքներ հնչեցնելով ընդդիմախոսների հասցեին։