«Եկեք իրար չխաբենք․ բանակցության փուլերը մեր իշխանությունը վաղուց է սպառել»․ Մարուքյան

ԼՀԿ խմբակցության ղեկավար Էդմոն Մարուքյանն այսօր ֆեյսբուքյան ուղիղ եթերի ժամանակ անդրադարձավ իշխանության՝ Արցախի հարցով վարած բանակցություններին:

«Մարդիկ ասում են՝ մեզ էս երկու օրվա մեջ մի հատ նոր բանակցող ա պետք, որ գնա նոր բան բանակցի, էս թուղթը փոխենք: Ժողովո՛ւրդ, եկեք իրար չխաբենք: Բոլոր այն ուժերը, որոնք ասում են, թե հիմա հնարավոր ա գնալ բանակցել և էդ թուղթը փոխել, որ Քարվաճառը չհանձնենք և այլն, նրանք կա՛մ չգիտեն, թե թուղթն ինչ պայմաններում ա ստորագրվել, ինչը շատ վատ ա, կա՛մ գիտեն և այդ հայտարարությունն անում են: Ժողովո՛ւրդ, ոչ մի բան չի բանակցվել էս թուղթը ստորագրելուց, էդ փուլերը մեր իշխանությունը սպառած ա եղել վաղուց», - ասաց Էդմոն Մարուքյանը։