«Աշխատանքը փրկելու է մեզ բոլորիս, ողբը ոչնչացնելու է». Լևոն Բարսեղյան

«Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է. «Եթե ողբը վերաճելու է վերլուծության, վերլուծությունը՝ ծրագերի, իսկ ծրագրերը՝ առաջընթացի, կնշանակի դարավոր մղձավանջից մարդամեջ ելնելու հնարավորություն ունենք: Եթե ողբը նորից լինելու է ընդամենը ինքնախարազանմամբ թմրելու, հաջորդ օրը նորից ողբալու և էլի թմրելու համար, վերջանալու ենք:

Ես առաջին ճանապարհին եմ հավատում: Աններելի է ողջերին էլ թաղել մեր թանկ հանգուցյալների հետ, չի կարելի գոյություն քարշ տալու մոդուսով ապրել, չի կարելի մարդկանց սգալուց բացի ճակատագիր սգալ, երկիր սգալ, պատմություն սգալ, թափ տվեք ձեզ, որևէ գործ սկսեք անել, թող չնչին թվա, բայց արեք, աշխատեք, ոչ մեկի ուղեղը չի անջատվելու, բայց աշխատանքը փրկելու է մեզ բոլորիս, ողբը ոչնչացնելու է մեզ: Ես հավատում եմ մեր ջանքի զորությանը»: