Աննա Հակոբյանը կիսվել է Փաշինյանի սկանդալային գրառումով

ՀՀ վարչապետի տիկին Աննա Հակոբյանը կիսվել է ամուսնու գրառումով:

Փաշինյանն ավելի վաղ իր ֆեյսբուքյան էջում գրել էր. «Առաջնագծի զինվորների տասնյակ տեսանյութեր դիտեցի այսօր։ Ապշած եմ տղաների խորագիտությունից։

Տղերք՝ դուք ճիշտ եք։ Սպասում եմ ձեզ Երեւանում։ Վերջնականորեն լուծելու պատերի տակ վնգստացողների հարցերը։ Հպարտ եմ ձեզանով»:
Այս գրառումը դժգոհության մեծ ալիք է բարձրացրել: Նրա գրառումից մի քանի րոպե անց «Իմ քայլը» խմբակցության պատգամավոր Գայանե Աբրահամյանը հայտարարեց մանդատից հրաժարվելու մասին, պատգամավոր Թագուհի Թովմասյանն էլ հայտարարեց, որ դուրս է գալիս խմբակցությունից: Հրաժարական ներկայացրեց նաև Տիգրան Ավինյանի գրասենյակի ղեկավարը Վարագ Սիսեռյանը: