«Անելիքները, որոնք պետք է ձեռնարկվեն անհապաղ». Հայկ Այվազյան

Տեսչական մարմինների բարեփոխման խմբի նախկին ղեկավար Հայկ Այվազյանը ֆեյսբուքյան իր էջում գրել է․ «Նիկոլն այլևս վերջացել է, առնվազն այն նիկոլը, որին դարձրինք վարչապետ։

Հիմա անելիքները, որոնք պետք է ձեռնարկվեն անհապաղ։ Ամեն ուշացրած րոպեն ավելի է մոտեցնում մեզ նոր արհավիրքների։
Հակիրճ, լուծման իմ տարբերակը․

1․ Անհապաղ, ԱԺ արտահերթ նիստով պաշտոնանկ անել գործող վարչապետին և ընտրել նոր անցումային վարչապետ։ Ըստ իս, միակ կամ գրեթե միակ թեկնածուն Լևոն Տեր-Պետրոսյանն է։ Նա միակն է, ով ընդունակ է այս օրհասական պահին ստանձնել Հայաստանի կոմից բանակցային գործընթացը։

2․ Լայն քննարկումների միջոցով անհապաղ ձևավորվում է անցումային համաձայնության կառավարություն՝ ներառելով եղած քաղաքական ուժերից ներկայացուցիչներ։

3․ Անցումային կառավարությունը գործում է առավելագույնը մեկ տարի և երաշխավորում է արտահերթ ընտրությունների ժողովրդավարական չափանիշներին համապատասխան անցկացումը։

Մնացածը մանրուքներ են։

Հ․Գ․
Պառլամենտականներին ասեք, որ իրենք լավ օրերին պարգևավճար ստանալու համար չէին քվե ստանում պատերազմող Հայաստանում»։