«Մանդատ դնելու շքերթը քմծիծաղի արժանի երեսպաշտություն է». Վահրամ Թոքմաջյան

Պատմաբան Վահրամ Թոքմաջյանը ֆեյսբուքյան իր էջում գրել է. «Հուսամ ասածս ճիշտ կընկալվի.
«Իմ Քայլից» դուրս գալու կամ մանդատ դնելու շքերթը ոչ այլ ինչ է, քան՝ քմծիծաղի արժանի երեսպաշտություն։ Դա կարող է ինչ-որ խմբի համար, կարճաժամկետ հեռանկարում պոպուլիստական իղձերի բավարարում է, բայց ոչ ավելին։ Այստեղ այլևս գործ չունենք խորտակվող նավը լքողների հետ։ Գործ ունենք՝ պատասխանատվությունից խուսափողների և թռնողների հետ։ Անհամաձա՞յն ես, խնդրեմ, երկրի թիվ մեկ քաղաքական ամբիոնը տրամադրությանդ տակ է։ Իսկ քվեարկել կարող ես խղճիդ համապատասխան՝ դա է երաշխավորում Սահմանադրությունը։ Նույն կերպ և արգահատելի է «Իմ Քայլից» դուրս գալը և մանդատը պահելը։ Ոնց մտել եք, էդ ձև էլ մինչև վերջ կրեք պատասխանատվությունը»: