«Շատ է խոսվում, թե ունեցել ենք բազմաթիվ դավաճաններ. տվյալներ են վաճառվել հակառակորդին». Հայկ Սարգսյանը՝ վարչապետին

«Արդեն ժամանակ է, որ խոսենք մեր սխալների մասին և ներկայացնենք, թե որտեղ ենք սխալվել: Բացի այդ՝ հանրության շրջանում շատ է խոսվում, որ մեր հակահետախուզությունը լավ չի աշխատել. ունեցել ենք բազմաթիվ դավաճաններ, ովքեր բազմաթիվ տեղեկություններ, կոորդինատներ են վաճառել»,- դիմելով ՀՀ վարչապետին՝ Աժ-ում ասաց իմքայլական պատգամավոր Հայկ Սարգսյանը:

Փաշինյանը արձագանքելով պատգամավորի խոսքին, ասաց. «Ես չեմ կարծում, որ ճիշտ ռեժիմ է, որ մենք ասենք, թե բնակչությունն ունի տվյալներ, որ կոորդինատներ են վաճառվել հակառակորդին: Ես կարծում եմ, որ եթե նման կոնկրետ դեպքեր կան, պետք է կոնկրետ քրեական գործեր հարուցվեն: Այո՛, մեղավորներ պետք է փնտրվեն, եթե էդպիսի դեպքեր կան, բայց ուղղակի խոսել տեսականորեն ինչ-որ դավաճանների մասին, ովքեր տեսական տվյալներ են հայտնել հակառակորդին, դա չեմ կարծում՝ ճիշտ ռեժիմ է: Այն քաղաքացիները, ովքեր նման տվյալներ ունեն, իհարկե, անպայման պետք է այդ հարցով դիմեն իրավապահ մարմիններին»: