«Փաշինյանի ռեժիմն անցավ ամենակեղտոտ գործելաոճին, որին անգամ Սերժ Սարգսյանը չէր դիմում». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է. «ՇՈԿԱՅԻՆ. Նիկոլ Փաշինյանի ռեժիմն անցավ ամենակեղտոտ գործելաոճին, որին անգամ Սերժ Սարգսյանը չէր դիմում:

Մասնավոր օգտահաշիվներով տարածվում է մի տեսագրություն, որտեղ իշխանությանն այս օրերին շատ մեծ խնդիրներ հարուցած մի հանրային անձ է պատկերված: Սեռական բնույթի տեսանյութ է: Իհարկե, վարկաբեկող նշանակության:

Եվ, իհարկե, դա անում են հիմա և, իհարկե, ամենայն հավանականությամբ, ԱԱԾ կամ ոստիկանության յոթերորդ վարչության գաղտնի արխիվներից Փաշինյանի հրամանով անանուն հրապարակելով:

Եթե սա դիփֆեյք չէ, այսինքն՝ նախկինում արդեն իմ ներկայացրած բնույթի կեղծ տեսանյութ չէ, որտեղ այլ մարդու մարմինը կամ դեմքը լիովին բնականորեն տեղադրվում է այլ մարդու մարմնի վրա և նրան վերագրվում խոսքեր, ապա ամենայն հավանականությամբ, այն նկարվել է ԱԱԾ-ի, կամ առնվազն ոստիկանության յոթերորդ վարչության կողմից, պահվել է երկար տարիներ և հիմա, երբ այլևս մարդը թշնամի է մոլագարի ռեժիմին, նետվում է հրապարակ՝ անձին վարկաբեկելու նպատակով:

Սա Նիկոլ Փաշինյանի ձեռագիրն է, նրան խիստ հատուկ մոտեցումը, նրա բացահայտ, անհերքելի գործելաոճը:

Ամեն բան անել՝ հակառակորդներին ստով կամ իրական կոմպրոմատներով վարկաբեկելու, ոչնչացնելու համար:

Նաև Նիկոլ Փաշինյանի գործելաոճն է՝ անձին վարկաբեկել փորձելով՝ վարկաբեկել նրա գործը կամ խոսքը:

Դա մոտեցում է, որ ազդում է միայն նախրի վրա: Մտածող զանգվածն անձնական կյանքերով մարդկանց հանրային կերպարները չի դատում, հաղորդվող տեղեկությունները չի քննարկում, դրանց բովանդակությունը չի տուժում: Յուրաքանչյուր մարդ ունի անձնական կյանքի, անձնական կարծիքի, անձնական, ոչ հանրային վարքագծի իրավունք։ Թե ինչ է անում մարդն իր մասնավոր կյանքում, ինչ է սիրում և ինչով է զբաղվում, ոչ ոքի չպետք է հետաքրքրի։ Այնքան ժամանակ՝ քանի դեռ դա հակաօրինական չէ և չի վնասում այլոց։

Եվս մի ապացույց, թե ով է Նիկոլ Փաշինյանը:

Ստորագույն, ցածրագույն մի արարած, որ ոչնչի առջև երբեք կանգ չի առնում, որ պատրաստ է իջնել մարդկային անկման խորխորատները՝ միայն թե հասնի իրենին, կասեցնի հակառակորդներին, ոչնչացնի նրանց:

Ամեն բան, ամեն մեթոդ լավ և ընդունելի է Նիկոլ Փաշինյանի համար: Ճիշտ այնպես, ինչպես վաճառեց հայրենիքը»: