«Ձեր պահվածքն ինձ հիշեցնում է հանրապետականներին»․ Գորգիսյանը՝ իմքայլականներին

Այսօր՝ Աժ նիստի ժամանակ, «Լուսավոր Հայաստան» խմբակցության պատգամավոր Գևորգ Գորգիսյանը, դիմելով իշխանությանը, ասաց․ «Ձեր պահվածքն ինձ երբեմն հիշեցնում է ՀՀԿ-ին, երբ դրսում հեղափոխություն էր, իսկ իրենք այստեղ լուրջ դեմքերով ինչ-որ հարցեր էին քննարկում՝ չտիրապետելով իրավիճակին, չհասկանալով, որ հողը ոտքի տակից գնացել է: Հիմա դուք մոտավորապես նույն վիճակում եք։ Հանրությունը պատրաստ չէ ընդունել պարտված ղեկավարությանը։ Դուք այստեղ այնպիսի տոնով եք խոսում, կարծես ոչինչ տեղի չի ունեցել։ Գտեք ձեր մեջ այդ ուժը՝ վերցնելու պատասխանատվությունը և հորդորելու պարտության սիմվոլ վարչապետին հեռանալ»։