Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Մեր սուտը գերազանցել է իրականության 100 տոկոսը»․ Մովսես Հակոբյան

«Մեր սուտը գերազանցել է իրականության 100 տոկոսը»․ Մովսես Հակոբյան
519
Հինգշաբթի, 19 նոյեմբերի, 2020 թ., 14:50

«Այս 44 օրվա ընթացքում սուտը, ստի տարածումը ոչ թե օգուտ է տվել մեր երկրին, այլ բերել է ճգնաժամի։ Այս ասուլիսով ես ուզում եմ ոչ թե մեղավորներ փնտրել, այլ հանել այս վիճակից»,- այսօր հրավիրված մամուլի ասուլիսում հայտարարեց ՊՆ ռազմական վերահսկողական ծառայության նախկին պետ Մովսես Հակոբյանը։

«Կա մի իրականություն․ ստի չափանիշ, որ սուտը չպիտի գերազանցի իրականության 30 տոկոսը, իսկ մեր սուտը գերազանցել է 100 տոկոսը, որը շատերի մոտ ընկալելի չէր։ Ինֆորմացիան պիտի տրվի այն չափով, որպեսզի այն համապատասխանի իրականությանը, և որը հակառակորդին կշեղի իր բուն էությունից։ Մենք իրականացրել ենք 100 տոկոսանոց սուտ․ մի մասը գտնում էր հաղթում ենք՝ կանգնեցրին պատերազմը, մի մասը գտնում էր, որ պետք է կանգնեցնենք պատերազմը և այսպես շարունակ»,- ընդգծեց ՀՀ ՊՆ ռազմական վերահսկողական ծառայության նախկին պետը: