«Եվ էլի ռեժիմն ամեն բան թողել է ժողովրդի ուսերին». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է. «Հարյուր հազարավոր փախստականներ կան Հայաստանում: Գաղթականներ՝ ներքին տեղահանվածներ: Եվ ինչպես դեռևս սեփական վերահսկողության տակ եղած տարածքներից իշխանությունը չարեց ոչ մի բան նորմալ տարհանում կազմակերպելու համար, այնպես էլ ոչինչ չի անում՝ գաղթականներին տեղավորելու համար:

Եվ էլի ռեժիմը ամեն բան թողել է ժողովրդի ուսերին:

Հիմա արդեն պարտավոր էին Հայաստանի հարավում, հենց հարավում՝ Զանգեզուրում ունենալ գաղթականների բարեկարգ ճամբարներ՝ արագ կառուցված պատրաստի, ՄԱԿ-ի ստանդարտներով փոքրիկ գործարաններում արտադրվող գմբեթավոր բնակարաններից, որ էժան են, անչափ դիմացկուն և կարող են հարյուրամյակ շարունակ որպես տուն ծառայել: Դրանք նաև տեղում կարելի էր արտադրել: Արագ և էժան:

Չկա: Չի արվել: Չի արվում: Չի արվելու:

Պետություն չկա: Կա իշխանությունը բռնազավթած երիտթրքական հայանուն հրոսակախումբ, որ տալիս է երկրի տարածքը, հետո դատարկում այն և անում ամեն ինչ արտագաղթ խրախուսելու համար, իսկ հետո ամեն ինչ անում է՝ մնացյալ Հայաստանն էլ հաջորդ և վերահաս պատերազմով սկուտեղի վրա թշնամուն հանձնելու համար»: