Զելենսկին և Մերցը համաձայնության չեն եկել Ուկրաինայի` ԵՄ անդամակցության վերաբերյալ

Ֆրիդրիխ Մերցը և Վլադիմիր Զելենսկին չեն կարողացել համաձայնության գալ Ուկրաինայի՝ Եվրոմիությանը միանալու հեռանկարների վերաբերյալ Գերմանիայի կանցլեր Ֆրիդրիխ Մերցի՝ Կիև կատարած այցի ժամանակ: Այս մասին հաղորդում է Politico-ն՝ հղում անելով աղբյուրներին:

Ըստ թերթի՝ Մերցը կասկածներ է հայտնել առաջիկա տարիներին Ուկրաինայի՝ դաշինքին միանալու վերաբերյալ և փոխարենը Զելենսկիին առաջարկել է մուտք գործել ԵՄ միասնական շուկա, ինչպես նաև առանց քվեարկության իրավունքի դիտորդի կարգավիճակ ԵՄ խորհրդում, Եվրոհանձնաժողովում և Եվրոխորհրդարանում: Զելենսկին մերժել է կանցլերի առաջարկը և պնդել, որ Ուկրաինային անհրաժեշտ է դաշինքին լիիրավ և հավասար անդամակցություն, նշել է թերթը:

Ուկրաինան ԵՄ անդամակցության թեկնածուի կարգավիճակ ունի 2022 թվականի ամռանից: 2026 թվականի հուլիսի 14-ին Եվրոպական Միության Խորհրդի Իռլանդիայի նախագահության եվրոպական հարցերով նախարար Թոմաս Բիրնը հայտարարել է, որ Եվրոմիությունը սկսել է բանակցություններ Ուկրաինայի անդամակցության վերաբերյալ՝ վեց բանակցային խմբերից երկրորդի շրջանակներում: Բանակցային գործընթացը բաժանված է 33 բաժնի կամ գլուխների, որոնք անհավասարաչափ խմբավորված են վեց խմբերի մեջ։ Բանակցությունները չեն երաշխավորում անդամակցությունը և չեն նշում ժամկետներ։