«Ասում են՝ Ջաբրայիլ մարդ չեն թողնում, կրակում են․ բա որ հրադադար ա, խի՞ են կրակում»․ անհետ կորած զինծառայողի հայր

«Պատասխան պիտի տա՞ն՝ մեր էրեխեքն ուր են»,- զայրացած ասաց Կառավարության շենքի դիմաց գտնվող անհետ կորած զինծառայողների ծնողներից մեկը, ում որդին ծառայել է Ջաբրայիլում և 40 օր է՝ լուր չունեն։ «Ասում են՝ Ջաբրայիլ մարդ չեն թողնում, Կարմիր Խաչը չի կարում մտնի, կրակում են․ բա որ հրադադար ա, խի՞ են կրակում․․․ Եթե կրակում են, մեկը ես, պատրաստ եմ գնամ Ղարաբաղ, նորից կռվեմ․․․ Ես իմ ապրելու արժեքը չեմ տեսնում, որ իմ էրեխեն չկա․․․ սաղ սերունդը վարի տվին․․․»,- ասաց նա։