«Տիրան Խաչատրյանին խորհուրդ եմ տվել ուսադիրները պոկել, Արցախի հերոսի կոչումը տանել Եռաբլուր և մի բուռ հող ուտել». Ն. Զոհրաբյան

«Օրական տեղեկանում ենք, որ էս գյուղը, էս հատվածը ևս պիտի հանձնվի»,- այս մասին ասաց իրավիճակին ծանոթանալու նպատակով Սոթք այցելած Նաիրա Զոհրաբյանը։ «Երեկ մենք լսեցին ՊԲ գեներալ Տիրան Խաչատրյանին․․․ Ես այսօր իրեն խորհուրդ եմ տվել ուսադիրները պոկել, իր Արցախի հերոսի կոչումը տանել Եռաբլուր և մի բուռ հող ուտել»,- զայրացած ասաց պատգամավորը։ «Էդ ի՞նչ էր նշանակում՝ մեզ դուրս հրավիրեցին, մենք տեղյակ չենք, դե հիմա այդպես եղավ․․․Այսինքն՝ մենք թիզ-թիզ մեր հողը տալիս ենք, հա՞, էստեղ, փաստորեն, մեր հայրենիքը վերջանում ա, ժողովո՛ւրդ, հասկանո՞ւմ եք՝ ինչ ա կատարվում»,- հայտարարեց Զոհրաբյանը։