Ուրբաթ, 29 մարտի, 2024 թ.
|
Ստեփանակերտում`   +5 °C

«Ինչո՞ւ էիք ընտրել Ֆրանկլին Գոնսալես անունը». լրագրողը՝ Նարեկ Սարգսյանին

«Ինչո՞ւ էիք ընտրել Ֆրանկլին Գոնսալես անունը». լրագրողը՝ Նարեկ Սարգսյանին
384
Երեքշաբթի, 01 դեկտեմբերի, 2020 թ., 14:45

Այսօր՝ դեկտեմբերի 1-ին, նախատեսված է ՀՀ երրորդ նախագահ Սերժ Սարգսյանի եղբորորդու՝ Նարեկ Սարգսյանի կամ բոլորին հայտնի Ֆրանկլին Գոնսալեսի գործով դատական նիստը: Քիչ առաջ դատարանի բակում լրագրողը հետաքրքվեց Նարեկ Սարգսյանից, թե ինչ դիրքորոշում ունի իրեն առաջադրված մեղադրանքների վերաբերյալ, որին ի պատասխան Սարգսյանն ասաց, որ հետաքրքվեն իր փաստաբանից: Հարցին, թե ինչո՞ւ էր իր համար ընտրել Ֆրանկլին Գոնսալես անունը, Նարեկ Սարգսյանը չպատասխանեց:

Հիշեցնենք, որ Նարեկ Սարգսյանը մեղադրվում է ապօրինի զենք-զինամթերքի, թմրամիջոցների և հոգեմետ նյութերի ապօրինի շրջանառության, ինչպես նաև՝ մի խումբ անձանց կողմից նախնական համաձայնությամբ, կյանքի կամ առողջության համար վտանգավոր բռնության սպառնալիքով, զենքի կամ որպես զենք օգտագործվող առարկաների գործադրմամբ անձի առևանգումը կազմակերպելու մեջ, որն իրականացվել է շահադիտական նպատակներով:

Շաբաթներ առաջ ՀՀ վերաքննիչ դատարանը գրավի դիմաց ազատ էր արձակել նրան: