Անընդունելի է քննությունների ցանկում «Հայոց լեզու և գրականություն»-ը դիմորդի ընտրությանը թողնելը. հայտարարություն
![]() 286 Ուրբաթ, 04 դեկտեմբերի, 2020 թ., 15:45 ԵՊՀ հայոց լեզվի ամբիոնի հայտարարությունը ՀՀ Կառավարության՝ 2020թ. նոյեմբերի 26-ի նիստում հաստատվեց 2020-21 ուստարվա բուհական ընդունելության առարկայական ցանկը: Բուհերի գերակշիռ մասը ընդունելության քննությունների ցանկում այլընտրանքային, այսինքն՝ ոչ պարտադիր է սահմանել հայոց լեզվի քննությունը: Ընդ որում, մայրենին այլընտրանքային է հաստատվել՝ որևէ օտար լեզվի հետ զուգակցվելով: Ավելին, այն ոչ մրցութային է համարվել ԵՊՀ լեզվաբանական՝ ռուս բանասիրության, եվրոպական լեզուների և հաղորդակցության ֆակուլտետներում: Մինչդեռ տակավին գործող ՀՀ «Լեզվի մասին» օրենքի 2-րդ հոդվածը՝ «Կրթության լեզուն», հստակ սահմանում է. «Հայաստանի Հանրապետության բոլոր միջնակարգ-մասնագիտական, մասնագիտական-տեխնիկական և բարձրագույն ուսումնական հաստատություններում հայոց լեզվի ընդունելության քննությունը և հայոց լեզվի ուսուցումը պարտադիր են»: Կորոնավիրուսի համավարակի և բուհերի ինքնավարության կեղծ հիմնավորումներով շրջանցվել է օրենքի պահանջը, և հայոց լեզուն՝ որպես ազգային կրթական կարևորագույն բաղադրիչ, կրկին ստորադասվել է այլ արժեքների: ԵՊՀ հայոց լեզվի ամբիոնն անընդունելի է համարում 2021-2022 ուստարվա ընդունելության քննությունների առարկայական ցանկում «Հայոց լեզու և գրականություն» առարկան բուհերի կամ դիմորդի ընտրությանը թողնելը. հայոց լեզուն դեռևս ՀՀ պետական, կրթական, պաշտոնական լեզուն է և պետք է գտնվի պետական անվերապահ հոգածության ներքո, ոչ թե օրենքի շրջանցմամբ հարմարեցվի առանձին անհատների ուղղորդվող նախասիրություններին: Առարկայի հանդեպ այս վերապահ վերաբերմունքը մենք դիտարկում ենք որպես տրամաբանական շարունակություն Կառավարության ձախավեր նախագծի, որով նախատեսվում է «Հայոց լեզու» առարկան բուհերում դարձնել կամընտրական։ Հայոց լեզվի ամբիոնը իր դատապարտող մտահոգությունն է հայտնում մեր ազգային լեզվի իրավունքները ոտնահարելու, մեր մայրենին արժեզրկելու չնահանջող այս միտումների հանդեպ: Ցավալի է արձանագրել, որ մայրենիի հանդեպ կանխակալ և մերժողական վերաբերմունքը փորձ է արվում արմատավորել նաև մայր բուհում, որը շուրջ մեկ դար եղել է և կա որպես հայերենագիտության զարգացման անխարխար կենտրոն ու կայուն երաշխավոր: |
«Այբ» կրթական հիմնադրամը դիմել է դատարան
80Երեկ, 19:15Յուրաքանչյուր աշակերտ կարող է անվճար հիմունքներով այցելել մշակութային երեք հաստատություն․ ԿԳՄՍ
13215.01.2021, 22:50ՀՀ ՊՆ-ն՝ պատերազմին մասնակից ուսանողների ուսման վարձի հատուցման կարգի մասին
11713.01.2021, 19:00ԱԺ գիտության, կրթության, մշակույթի, սփյուռքի հարցերի հանձնաժողովի նիստը՝ ուղիղ միացմամբ (տեսանյութ)
15313.01.2021, 13:25«Այս նախագիծը «լուծում» Է մեկ խնդիր՝ Երևանի Պետական Համալսարան-ի գլուխկոտրուկը». Աննա Կոստանյան (լուսանկար)
11413.01.2021, 11:10«Հայաստանում կանցկացվի Հայկական համադպրոցական գիտության փառատոն». Ժաննա Անդրեասյան
11303.01.2021, 17:35«2021 թվականի հունվարի 1-ից կգործեն ՀՀ ԿԳՄՍ նախարարի երկու հրամաններ»․ փոխնախարար
23028.12.2020, 20:35«Կոչ ենք անում ԵՊՀ դասախոսներին՝ միանալ համազգային բողոքի միջոցառումներին». Արմեն Ավետիսյան
16221.12.2020, 19:25