«Տատիկ-պապիկներից թոռներին փոխանցումները հայտարարագրման ենթակա չեն լինի»․ Բաբկեն Թունյան

Ինչպես հայտնել էինք, այսօր քննարկվել է ԱԺ «Քաղաքացիական պայմանագիր» խմբակցության հեղինակած «ՀՀ հարկային օրենսգրքում լրացումներ և փոփոխություններ կատարելու մասին» օրենքի նախագիծը։ Ներկայացրել էինք նաև ֆիզիկական անձանց եկամուտների հայտարարագրման գործընթացի պարզեցումները։ Երկրորդ ընթերցմամբ քննարկման ժամանակ պատգամավոր Բաբկեն Թունյանը հայտնեց հետևյալը․ «Ընտանիքի անդամների միջև կատարվող փոփոխությունները հայտարարագրման ենթակա չեն։ Դրանք հարկման ենթակա չէին ու շարունակում են հարկման ենթակա չլինել, բայց հայտարարագրման ենթակա էին, եթե 300 հազարից ավելի էին։ Հիմա ասում ենք՝ երեխայի ծնողի, քույր, եղբոր, ամուսինների միջև ու նոր էլ կառավարության առաջարկությամբ ավելացրինք, որ տատիկ, պապիկներից թոռներին փոխանցումները հայտարարագրման ենթակա չեն լինի՝ անկախ դրանց չափից»։