«Անհրաժեշտություն է լինելու վարույթ նախաձեռնել և պարզել Եկեղեցու դեմ գործողությունների մոտիվը»․ Արթուր Դավթյան

«Մեր Սահմանադրությամբ ամրագրված է, որ պետությունն ու Եկեղեցին անջատ են․ դա նշանակում է, որ պետությունը, ի դեմս ցանկացած պետական ինստիտուտի, ցանկացած պետական պաշտոնյայի, իրավասու չէ միջամտել Եկեղեցու գործողություններին։ Այսինքն՝ եկեղեցում տեղի ունեցող իրադարձություններին, հոգևորականի անձնական տիրույթում վարքագծին ադրադառնալու իրավասություն ոչ մեկին չի վերապահել մեր ժողովուրդը»,- այս մասին «24Նյուզ»-ի եթերում ասել է նախկին գլխավոր դատախազ Արթուր Դավթյանը՝ հավելելով, որ որքան էլ վարչապետը փորձի ներկայացնել, թե խնդիրը Եկեղեցու հետ չէ, այլ կոնկրետ հոգևորականների հետ է, ակնհայտ է, որ բոլոր գործողություններն էապես վնաս են հասցնում Եկեղեցու հեղինակությանը։

«Տեսնում ենք, որ պլանավորված գործողություններ են Եկեղեցու դեմ, որոնք ակնհայտորեն հատում են ունենալու Քրեական օրենսգրքի հետ, և իշխանափոխությունից հետո օբյեկտիվ կողմի առկայության պայմաններում, անհրաժեշտություն է լինելու Եկեղեցու թեմայով վարույթ նախաձեռնել և պարզել այդ գործողությունների մոտիվները։