«Հայկական ռուսախտը». Տիգրան Խզմալյան

Կինոռեժիսոր Տիգրան Խզմալյանը ֆեյսբուքյան իր էջում գրել է. «Հայկական ռուսախտը. Ռուսաստանն աջակցում էր թրքերին 1915-16թթ․ հայկական ջարդերի կազմակերպման մեջ՝ հիշեք, որ Վանը չհանձնվեց թրքական բանակին, այնտեղ հռչակվեց առաջին հայոց անկախությունը և միայն ռսների դավաճանական նահանջից հետո քաղաքը մատնվեց եղեռնի։

Ռուսաստանը փրկեց և վերականգնեց թրքական պետությունը 1920-21թթ․, փոխանցելով Քեմալին զենք, փող և հող՝ ամենը հայերի հաշվին։

Ռուսաստանը կազմակերպել էր հայկական ջարդերը Սումգայիթում, Կիրովաբադում և Բաքվում 1988-1990թթ. Ռուսաստանն իր զորքով օգնում էր Ազրբեջանին 1991-1992թթ․ հեռացնել հայերին Շահումյանի և Գետաշենի շրջաններից։

Ռուսաստանն օգնում էր Ազրբեջանին վերականգնել դրա ջախջախված բանակը, մի քանի միլիարդ դոլարի հարձակվողական զենք մատակարարելով Բաքվին և պատրաստելով դրան 2016-ի և 2020թթ․ պատերազմներին։ Այսպիսով պետք է արձանագրել, որ Ռուսաստանը մեկ դար շարունակ (և ավել) իրականացնում է խիստ հետևողական հակահայկական և թրքամետ քաղաքականություն։ Չտեսնել դա և պնդել հակառակը կարող են միայն անմեղսունակ ապուշները կամ վարձու ռսական գործակալները։

Ալբերտ Էյնշտեյնի բնորոշմամբ՝ հոգեկան խանգարման ամենավառ ապացույնցն այն է, երբ անձը (կամ էլ ողջ ազգը) մշտապես կատարում է նույն անիմաստ գործողությունը, բայց ամեն անգամ ակնկալում է ուրիշ արդյունք։ Սա հայկական ռսամետության, ռսամոլության, ռուսուլմանության կատարյալ ախտանիշն է։ Ես դա կարճ կանվանեի հայկական ռուսախտ։ Լուսանկարում՝ ռուս և թուրք զինվորների եղբայրական միասնությունը, 1916թ․, Արևմտյան Հայաստան»։