«Դավաճանել են նախկիններն ու ներկաները՝ հին նախագահներն ու անկարող վարչապետը». Համլետ Պետրոսյան

Պատմաբան, Տիգրանակերտի արշավախմբի ղեկավար Համլետ Պետրոսյանը ֆեյսբուքյան իր էջում գրել է. «Դավաճանել են նախկիններն ու ներկաները՝ հին նախագահներն ու անկարող վարչապետը, պաշտոնից զմայլված ու զարմացած նախարարները, արտերի գեներալները, ցանկացած իշխանություն գովերգող ու դիմացը փող մուրուղ մուրացկան մտավորականները, հայ-թուրքական համակեցությամբ ժողովրդին թմրեցրած գեր գրանտակերները, օլիգարխն ու խանութպանը, ծեր ակադեմիկոսն ու ճարպիկ գիտնականը, դպրոցի տնօրենն ու բուհի ռեկտորը, թաղայինն ու ավտոտեսուչը: Եվ ի՞նչի համար՝ սեփական անձի ու ընտանիքի փափկակեցության, փորի, փողի ու զվարճանքի, անձնական փառքի համար:
Հիմա էլ նույն ձևով շարունակում են՝ կայտառ, անամոթ, ագրեսիվ՝ սեփական անձի ու ընտանիքի փափկակեցության, փորի, փողի ու զվարճանքի, անձնական փառքի համար:
Սարսափում եմ մտածել՝ գուցե հենց դա է՞ մեր ապրելու կերպը»: