«Ժողովուրդը հո հիմար չէ՞, որ քրեական օլիգարխիան հետ բերի իշխանության». Անդրիաս Ղուկասյան

«Վստահաբար կարելի է ասել՝ Վազգեն Մանուկյանն այն գործիչն է, որ երկրում կապահովի բավարար պայմաններ՝ ընտրակեղծարարության և ընտրակաշառքի միջոցով իշխանության յուրացման համար»,- «Ֆակտոր»-ի եթերում ասել է քաղաքագետ Անդրիաս Ղուկասյանը:

Հարցին, թե ինչո՞ւ ժողովուրդն այն ծավալով դուրս չի գալիս փողոց, որ միանգամից լուծի իշխանության հեռացման հարցը, որ դրել են ընդդիմադիր ուժերը, Ղուկասյանը պատասխանել է. «Ո՞ր հարցը, այսինքն՝ բերի հին ուժերին, քրեական օլիգարխիան հետ բերի իշխանությա՞ն։ Ինչո՞ւ ժողովուրդը դա չի անում, ժողովուրդը հո հիմար չի՞, որ այդպիսի բան անի։ Ո՞նց կարող է որևէ ժողովուրդ, այն կապանքները, որ իր վրայից գցել է, ազատվել է, հետո գնա, նորից բերի իր գլխին, ինչի՞ համար։ Մարդիկ, Ձեր կարծիքով շփոթվո՞ւմ են այդ ճառերից, որ իրենք կգան՝ էս կանեն, էն կանեն։ Ոչ մեկը հիմար չի, և հանրային աջակցություն չի կարող ունենալ այդ քաղաքական թիմը»:

Մանրամասները՝ տեսանյութում: