Ոստիկանները բերման ենթարկեցին Երևան-Սևան մայրուղին փակած քաղաքացիներին

Վարորդները վիճաբանում են Երևան-Սևան մայրուղին փակած ցուցարարների հետ՝ պահանջելով բացել ճանապարհը. «Դուք խախտում եք մեր իրավունքը, հազար խնդիր ունենք, դու փակել ես, թույլ չես տալիս տեղաշարժվել: Խնդիր ունես՝ գնա կառավարության մոտ, բողոքի»,- ասում են նրանք:

Ընդդիմացող ցուցարարներին ոստիկանները բերման ենթարկեցին: Իրավապահներն այս պահին փորձում են վերականգնել նշված ճանապարհահատվածի երթևեկությունը:

Հիշեցնենք՝ վարչապետ Նիկոլ Փաշինյանի հրաժարականի պահանջով քաղաքացիները տարբեր հատվածներում շարունակում են բողոքի ակցիաներ իրականացնել: