«Ես ու կինս հաղթահարեցինք թագավարակը». Դավիթ Գյուրջինյան

Լեզվի կոմիտեի նախագահ Դավիթ Գյուրջինյանը ֆեյսբուքյան իր էջում գրել է․ «Թանկագի՛ն ընկերներ, ուրախությամբ տեղեկացնում եմ, որ ես ու կինս թագավարակը հաղթահարեցինք։ Շնորհակալ ենք ձեր աջակցության համար։
Ինձ թվում է՝ մեզ օգնեց այն, որ նախապես խմել ենք C, D վիտամիններ, ցինկիտ, բարձրացրել մեր իմունիտետը (քիչ էր մնում ասեի՝ ինտիմը։
Սիրելի՛ բարեկամներ, հետևե՛ք հաստատված կանոններին, խորհուրդներին։ Մեկ էլ տեսաք՝ պլստացիք ու չվարակվեցիք։
Ամեն դեպքում լավ ու ճի՛շտ սնվեք։
Այս ծանր ժամանակներում փորձե՛ք քիչ զայրանալ, ուրախացե՛ք ամենափոքր ուրախություններով անգամ, հեռո՛ւ մնացեք բացասական մարդկանցից ու շրջանակներից, մեղմ, հաճելի երաժշտությո՛ւն լսեք, լավ գրքե՛ր կարդացեք... Առո՛ղջ եղեք։
Գիշեր չի եղել, որ չի լուսացել»։