Բրիտանիայում կորոնավիրուսի նոր տեսակ են հայտնաբերել

Բրիտանացի գիտնականները հայտնաբերել են կորոնավիրուսի նոր տեսակ, այն տարածվում է ավելի արագ, հայտարարել է միացյալ թագավորության առողջապահության նախարարության ղեկավար Մեթ Հենքոքը:
«Մեր գենետիկ մասնագետների շնորհիվ մի քանի օր առաջ հայտնաբերել ենք կորոնավիրուսի նոր տեսակ, որը կարող է կապված լինել Անգլիայի հարավ-արևելքում արագ տարածված վիրուսի հետ: Նախնական հետազոտությունները ցույց են տվել, որ նոր տեսակի վիրուսը տարածվում է ավելի արագ, քան արդեն հայտնի տարբերակը»,- ասել է նախարարը:
Հենքոքի խոսքով՝ ներկայում Անգլիայի հարավում 60 տարբեր շրջաններում գրանցվել է վիրուսի նոր տեսակի շուրջ 100 վարակվածություն, և վարակումների քանակն արագորեն աճում է:
Դրա հետ մեկտեղ նախարարը նշել է, որ գիտնականները ոչ մի հիմք չունեն ենթադրելու, որ վիրուսի նոր մուտացիան կարող է հանգեցնել հիվանդության ծանր ընթացքի, նաև հիմքեր չկան կարծելու, որ վիրուսի նոր տեսակի վրա չի ազդի COVID-19-ի դեմ արդեն արտադրվող պատվաստանյութը:
«ԱՀԿ-ն տեղեկացված է (վիրուսի նոր տեսակի մասին)։ Վերջին ամիսներին կորոնավիրուսի նման տարբերակներ հայտնաբերվել են Եվրոպայի այլ երկրներում»,- հավելել է նախարարը։