«Ձեզ հարց տվեք՝ Ալիևի ու Էրդողանի հետ կարողանալո՞ւ եք խոսել». Կարինե Հարությունյան

Լրագրող Կարինե Հարությունյանը ֆեյսբուքյան իր էջում գրել է. «Արարատ Միրզոյանը հանդիպումներ է ունենում քաղաքական որոշ ուժերի հետ: Այդ ուժերն էլ ոգևորված են: Հասկանալի է, որ ամեն կուսակցություն երազում է մի օր գալ իշխանության ու ստեղծել իր երազանքի պետությունը: Բայց պետությունը, դասականի ասած, որբի գլուխ չէ, որ վարսավիրություն սովորեք:
Եթե մի դեղատուն եք աշխատեցնում կամ մի խանութ, կամ էլ բիզնեսի այլ տեսակով եք զբաղված, ամենեւին չի նշանակում, որ կարողանալու եք երկիր ղեկավարել: Այն էլ հիմա:
Դուք ձեզ հարց տվեք՝ Պուտինը ձեզ մարդու տեղ դնելո՞ւ է, Ալիևի ու Էրդողանի հետ կարողանալո՞ւ եք խոսել: Իսկ որ նրանց հետո խոսելու առիթը լինելու է ու կարիքը կա, կասկած չկա:
ՔՊ-ին էլ հարց ունեմ. արդյոք մտքներիդ չկա՞ ձեզանից հետո իշխանությունը փոխանցել մեկին, որը ձեզանից ավելի վատը կլինի, որպեսզի նրա կողքին ձեզ երանի տան»: