Իրավաբանների բողոքի ակցիան Գլխավոր դատախազության դիմաց. ՈՒՂԻՂ ՄԻԱՑՈՒՄ

Իրավաբանները, ինչպես խոստացել էին, բողոքի ակցիա են իրականացնում Գլխավոր դատախազության դիմաց:

Հիշեցնենք, որ ավելի վաղ նրանք բողոքի ակցիա էին իրականացնում Զինվորական դատախազության առջև:

Իրավաբանները հավաքվել էին՝ պարզելու, թե պատերազմից մեկուկես ամիս անց ինչ քայլեր են ձեռնարկվել և մի շարք ի հայտ եկած հանգամանքների հիման վրա արդյոք հարուցվել են քրեական գործեր, և եթե հարուցվել են, ապա ինչ փուլում են և ինչու հանրությունը տեղյակ չէ դրա մասին: Զինվորական դատախազը հրավիրել էր նրանցից երեք հոգու հանդիպման, սակայն իրավաբանները նպատակահարմար չէին համարել, քանի որ գրեթե երեսուն հոգի էին: Վերջիններն առաջարկել էին դատախազին, որ իջնի և հանդիպի բոլորին, սակայն Վահե Հարությունյանը հրաժարվել էր: