«Ինչպե՞ս կարող էինք հեռախոսային բաց կապով սպանություն կազմակերպել». Վահրամ Բաղդասարյան

ՀՀԿ-ական նախկին պատգամավոր Վահրամ Բաղդասարյանը «168 ժամ»-ի եթերում անդրադարձել է իր դեմ հարուցված Քրեական գործին և ԱԱԾ-ի հրապարակած ձայնագրությանը:

Հիշեցնենք՝ Վահրամ Բաղդասարյանին մեղադրանք է առաջադրվել ՀՀ ՔՕ 35-300-րդ հոդվածի 1-ին մասի (իշխանության յուրացման) և 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) հատկանիշներով։

Եթերի ընթացքում նա հայտնել է, որ իր և Աշոտ Մինասյանի հեռախոսային խոսակցությունը, որի ձայնագրությունը հրապարակել էր ԱԱԾ-ն, մոնտաժված է եղել: Նա անհեթեթ է համարել այն հանգամանքը, թե ինչպես կարող էին իրենք բաց կապի միջոցով սպանություն կազմակերպել. «Ինչպե՞ս կարող է ինձ նման քաղաքական փորձ ունեցող մարդը հեռախոսային բաց կապով սպանություն կազմակերպել»,- ասել է նա:

Բաղդասարյանի խոսքով՝ նա Աշոտ Մինասյանի հետ վերջերս է անձամբ ծանոթացել:

Մանրամասները՝ տեսանյութում: