«Մարզ են լցվում թուրքեր, սյունեցին գաղթում է հյուսիս». Դավիթ Գրիգորյանը՝ Սյունիքի հանձնման սցենարի մասին

Շրջակա միջավայրի նախարար Ռոմանոս Պետրոսյանի նախկին մամուլի խոսնակ Դավիթ Գրիգորյանը ֆեյսբուքյան իր էջում գրել է. «ՍՅՈՒՆԻՔԻ ՀԱՆՁՆՈՒՄԸ
Կարիք կա հստակեցնել։ Դավադրության տարաբնույթ թեորիաների մեջ չարժի խրվել։ Գործում է պարզունակ դավաճանություն, հաշվարկ, առևտուր։
1. Պատերազմը կանգնեցվում է,
2. Հայտարարության մեջ նշվում է կոնկրետ դրույթ. ենթակառուցվածքների ապաշրջափակում,
3. Նախատեսվում է ավտոճանապարհ ու երկաթգիծ (նավթամուղ֊գազատար) Զանգելանից Նախիջևան՝ Սյունիքով,։
4. Թուրքական ներդրումների անվտանգությունն ապահովման համար մշակվում է մարզի հայաթափման ծրագիր,
5. Մարզ են լցվում մեծ քանակությամբ թուրքեր, սկսվում են ճնշումներ,
6. Մի քանի լոկալ լուրջ բախումներից հետո առկա իշխանությունը լռում է, քայլեր չեն ձեռնարկվում,
7. Սյունիքի հայերը գաղթում են հյուսիս,
8. Թուրքերն առաջարկում են գումար՝ Սյունիքն իրենց վաճառելու համար,
9. Առկա իշխանությունը համոզում է բոլորին, որ Սյունիքը վաճառելու փողերով մենք կդառնանք Շվեյցարիա,
10. Սյունիքը հանձնվում է թուրքերին,
Էս էն սցենարն է, որը կարող է մեկնարկել հենց վաղը՝ Սյունիքի արևելյան ամենակարևոր բարձունքները հանձնելուց հետո, սա էն շատ հավանական սցենարն է, որ գործելու է նիկոլի մնալու դեպքում։
Էստեղ ամենադաժանն այն է, որ մեծ քաղաքականության մեջ ամեն ինչ էլ առևտրի առարկա է, անգամ Հայրենիքը (սրանց դեպքում), բայց լավ առևտրականները երկիրը մեծացնում են, իսկ սրա նմանները՝ ծախում ու լափում։
Սրանք իսկի վատ առևտրական չեն։
Սյունիքի ռազմավարական բարձունքների հանձնման օպերացիայի համատեքստում է նաև կանոնավոր զորքեր մարզին չտրամադրելը։ Բոլորը զբաղված են ինքնակազմակերպմամբ/ինքնապաշտպանությամբ։ Մի տարբերություն կա. գյուղացին իսկանդեր չունի, որ իր գյուղը պաշտպանի»: