«Ծնողներին տնակում մենակ թողնող ու հեռվից խրատ տվողին ո՞նց հասկանամ». Վահան Թումասյան

«Շիրակ կենտրոն» ՀԿ-ի նախագահ Վահան Թումասյանը ֆեյսբուքյան իր էջում գրել է. «Լավ, դուք ասեք 5 երեխաների ու տասնյակ թոռների տեր, հաստատ տասնյակից ավել էլ հարազատներ ունեցող, բայց դոմիկում միայնակ ապրող 90-ամյա տատիկի համար վառելափայտ խնդրողին ինչ պատասխան տամ:
Ռուսաստաններ իրենց ընտանիքներով քոչող, ծնողներին տնակում մենակ թողնող ու հեռվից մի բան էլ խելք խրատ տալողին, ոնց հասկանամ:
Պետության երկրորդ քաղաքի բնակչության առնվազն կեսին, մի շարք գյուղերն էլ մի կողմից, ինչպես կարողանանք միայն բարեգործությամբ օգնել, որ ձմռանը դիմակայեն:
Հիշեք ձմռան վերջ կրկին սկսելու են քաղաքի փողոցների ծառերը կտրել...»: