«Սա արդեն Արցախը չի, Կապանն է». Արփինե Հովհաննիսյան

Արդարադատության նախկին նախարար Արփինե Հովհաննիսյանը ֆեյսբուքյան իր էջում գրել է. «Ամեն անգամ, երբ ձեր բերանը կբացեք, որ Նիկոլի մասին անգամ չեզոք միտք հայտնեք, ուշադիր նայեք այս նկարին։ Սա արդեն Արցախը չի, Կապանն է։ Հայ մարդն իր տունն է այրում։ Որովհետև Փաշինյան Նիկոլ անուն-ազգանուն ունեցող ադրբեջանցին հանձնել է հայ մարդու տունը։ Եվ հայ մարդը՝ նիկոլական, սերժական, թե քոչարյանական, այլևս հանգիստ չի ապրելու, որովհետև հայ գլխատող թուրքն իր տան մեջ է: Ու մի զարմացեք, որ Ալիևը պաշտպանում է Նիկոլին։ Նրանք հայրենակիցներ են։ Երկուսն էլ ատում են հայերին ու հայ մարդուն։ Երկուսն էլ չեն ուզում Հայաստանը լինի։ Երկուսն էլ իրականացնում են իրենց ծրագիրը՝ աթոռին մնալով։
Հ.Գ. Պատահական չէ, որ ազգադավ պոպուլիստները ասֆալտ էին անում ամենուր ու ամեն տեղ։ Տեսանելի լինելով բոլորի աչքի համար՝ այն թաքցնում էր կոռուպցիայի խայտառակ դրսևորումները ու ասֆալտում մարդկանց աչքերը, հոգիներն ու ուղեղները։ Որ չկասկածեն՝ ինչ եղավ, ինչու կամ ինչպես եղավ։ Անկախ նրանից՝ ով կգա իշխանության կամ չի գա, ինչ կլինի ու ոնց, այս անեծքը բերողները պատասխան են տալու Աստծո ու մարդկանց առջև»։