Բրիտանիայում #COVID_19-ի՝ արագ տարածվող տեսակ են հայտնաբերել

1032

Շաբաթ, 19 դեկտեմբերի, 2020 թ., 23:10

Մեծ Բրիտանիայում հայտնաբերված նոր տեսակի կորոնավիրուսը տարածվում է մեծ արագությամբ, այս մասին ասվում է Անգլիայի գլխավոր բժիշկ Քրիս Ուիթիի հայտարարության մեջ, փոխանցում է РИА Новости-ն: Նշվում է, որ Անգլիայի հարավ-արևելքում մեծ թվով աճում է վարակվածների թիվը: «Մենք նախազգուշացրել ենք Առողջապահության համաշխարհային կազմակերպությանը և վերլուծել հասանելի տվյալները՝ իրավիճակն ավելի լավ հասկանալու համար: Տվյալները, թե նոր տեսակի վիրուսը մահացության առավել բարձր աճի կհանգեցնի, դեռևս հաստատված չեն. հետազոտություններ են անցկացվում»,- ասել է պրոֆեսորը:

Մեծ Բրիտանիայի վարչապետ Բորիս Ջոնսոնը կորոնավիրուսի նոր տեսակի մասին տեղեկություն ստանալուց հետո հանդիպում է անցկացրել կառավարության անդամների հետ: