«Անիմաստ չէր․ տղերքն Արցախի ժողովրդին փրկել են ցեղասպանությունից»․ Փաշինյան

ՀՀ վարչապետ Նիկոլ Փաշինյանը Սառնակունքում պատասխանում է գյուղացիների հարցերին։

«40 քանի օր պատերազմը գնում էր, բա Ձեզ մի հատ չէին զեկուցե՞լ, որ արդեն եկել-հասել են ստեղ, բա մի հատ չխոսա՞նք, հասկանանք՝ ինչ ա ստեղ կատարվում։ Բանից դուրս ա գալիս, որ էսքան մեր հերոս սերունդն անիմաստ տեղը գնաց մեռա՞վ»,- դիմելով վարչապետին հարցրեց սյունեցիներից մեկը։ Ի պատասխան Փաշինյանն ասաց․ «Անիմաստ չէր։ Էդ տղերքը Արցախի ժողովրդին նախ փրկել են ցեղասպանությունից։ Իրադրությունը զարգանում էր այնպես, որ էդ պահին դա չանելը կնշանակեր տասնյակ հազարավոր կյանքերը դնել կասկածի տակ։ Էդ պահին այլ տարբերակ լինել չէր կարող»։